fitra kab waajib huaa ? is ki niyat keya hogi ? kab tak aur keya chiz dena behtar hai? kis surat me mezbaan par fitra waajib hoga ?

Q.s from : Janaab Tabish Rizvi Sb - chapra (saran)

1. Sawal



Fitre se mota'alliq wazaahat chaahte hain. Aur tariqa ? Kaise aur kitna ?
To Ek question hua hai yanha pe iska jawab dijiye



2. Sawal



Jese koi eid ki raat kisi ke yaha khaana khaaye to kya mezbaan pe waajib hai uska fitra nikaalna

Jawaab :

salam alaykum wrwb

1. Ans :



fitrah maali aebaadat hai, 2 hijri me jab maahe ramazaan ke roze farz qaraar diae ga'ae to ousi saal fitrah bhi waajib hua




ye aek tarah ka sadqah hai, eide fitr ke din nikaalte hain is liae is ko fitrah kahte hain




ba'qasde qurbat fitrah nikaalen, yaani Allah ke liae aur nikaalte waqt fitrah nikaalne ki niyat bhi karen




agar koei namaaze eid padhe to aehteyaate waajib ye hai ke namaaz padhne ke pahle hi fitrah nikaal de wagar'nah zohr tak nikaal de




3 kg gandum, aata, jaw, chaawal, makaei, khurma, kishmish etc mustahaq ko den ya 3 kg ki qimat den lekin behtar wa munaasib hai ke qimat hi den taa ke mustahaq log apni zarurat ki chizen kharid saken



2. Ans :



shabe eid sirf khaana khaane se mezbaan par fitrah waajib nahi hoga, agar aane waale (mehmaan) ka kharch mezbaan chalaata hai tab mezbaan par waajib hoga, meyaar wa kasauti ye hai ke jis ka kharch chalaata hai us ka fitrah kharch chalaane waale par waajib hai




aek martaba khaana khaane waale (mehmaan) ka shumaar oun logon me nahi hoga jin ka kharch mezbaan chalaata hai

w.salam

Syed Shamshad Ali Katokhari
khaadim-e-edaara-e-darul itrat Azim Abaad / Patna shobe sawaalaat Qum / Iran

29 / رمضان المبارک / 1438 ھ.ق

Subscribe us on youtube