Jo log dusri jagah ya dusre mulk me fitra nikaalte hain wo apne watan bhej sakte hain ? agar nahi to shar'ei raahe hal keya hai ?

Q.s from this No :‪ +971...........

Salaam alaikum

ek sawaal hai fitre ke silsile se agar koi apne watan se door abroad me job karta ho aur wo waha ke dirham me fitra nikaalta hai aur wo pese apne watan me bhejta hai to kya sahi hai sistani sahab ke nazdik ya wo apne watan ki currecy me niyyat kar le ke me fitra nikaalta Indian rupees me ...

Mene suna hai ke sistani sahab ke nazdik aap jis currency me fitra nikaalte hain us currecy me hi Dena hoga aur dusra option ke mai jaha job karta hu us country me niyyat Karu ke mai fitra nikaalta hu Indian rupees me ...... Fitre ki rakam India me hi ho sirf me yaha se niyyat hi Karu thoda jaldi jawaab dijiyega.

Iltemase Dua
shabe qadr ki Dua me yaad kijiyega

Jawaab :

Alaykum assalam wrwb

jis jagah aap rah rahe hain agar wahaan mustahaq shia maujud hai to aehteyaate waajib ye hai ke fitrah dusri jagah na den lekin agar de diya to kaafi hai dobaara dena zaruri nahi hai

ji jo raqam aap ne nikali hai ous ko badal nahi sakte lekin ye kar sakte hain ke aap hindustan me kisi ko apna wakil banaa'aen jo aap ke maal se aap ki taraf se fitrah nikaale, agar paiyse na hon to oun se kahen aap ko qarz den phir ba ounwaane wakil aap ki taraf se ousi raqam se fitrah nikaal kar mustahaq shia tak pahoncha den

Note :

aap ke wakil aap ki taraf se jis jagah bhi fitrah nikaal rahe hain wahin ki qimat ke motaabiq den, aap jis jagah rah rahen hain wahaan ki qimat ke motaabiq na den masalan 3 kg gandum, jaw, chawal etc den yaa wakil ke shahar ... me jo is ki qimat banti hai wo den

w.salam

Syed Shamshad Ali Katokhari
khaadim-e-edaara-e-darul itrat Azim Abaad / Patna shob-e-sawaalaat Qum / Iran

25 / رمضان المبارک / 1438 ھ.ق

Subscribe us on youtube